• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   अत्यावश्यक औषधि स्वदेशमा उत्पादनका लागि प्रक्रियाअघि बढाइएको छ: उपप्रधानमन्त्री यादव ★   ‘खाद्य स्वच्छता तथा गुणस्तर विधेयक संशोधन’ लाई राष्ट्रिय सभाको सहमति ★   विसं २०८०: वन मन्त्रालयमा के के काम भए ? ★   व्यवस्था बदलिएपनि कुनै गुणात्मक परिवर्तन हुन सकेन: पूर्वराजा शाह ★   नेपाललाई पहिलो सफलता, दिपेन्द्रले लिए विकेट ★   वर्षान्त २०८०: विद्यालय शिक्षा विधेयकले तताएको वर्ष ★   सुनकोसी मरिण डाइभर्सन: वैशाख २६ गते ब्रेक थ्रुको तयारी ★   लुम्बिनीका मुख्यमन्त्री महराले पाए विश्वासको मत ★   मलेसियाविरुद्ध नेपालले टस हार्यो, पहिला फिल्डिङ गर्दै ★   सुर्तिजन्य पदार्थलाई राजश्वको आम्दानीको बाटो बनाउनु हुँदैन: प्रमुख सचेतक बर्तौला

राजीनामा दिने गण्डकीका मुख्यमन्त्रीको तयारी !



पोखरा । गण्डकी प्रदेशका मुख्यमन्त्री सुरेन्द्रराज पाण्डेले राजीनामा दिने तयारी गरेका छन् । दुई दिनभित्र विश्वासको मत लिनुपर्ने बाध्यतामा रहेका पाण्डेले आवश्यक संख्यामा समर्थन जुटाउन नसक्ने देखिएपछि राजीनाको मनस्थिति बनाएका हुन् ।

पाण्डेलाई दिएको समर्थन नेकपा माओवादी केन्द्रले फागुन २३ गते फिर्ता लिएको थियो । सरकारमा सहभागी कुनै दलले समर्थन फिर्ता लिएमा मुख्यमन्त्रीले ३० दिनभित्र विश्वासको मत लिनुपर्ने संवैधानिक व्यवस्था छ । गण्डकी प्रदेश सभा नियमावलीको नियम १५० अनुसार मुख्यमन्त्रीले ३० दिनभित्र विश्वासको मत लिन दुई दिनअगाडि नै सूचना संसद सचिवलाई दिनुपर्छ । तर मुख्यमन्त्री पाण्डेले अहिलेसम्म कुनै सूचना दिएका छैनन् । मुख्यमन्त्रीले विश्वासको मत लिने हो भने आज २ बजेभित्र सूचना पठाइसक्नुपर्ने छ ।

मुख्यमन्त्री पाण्डेले अहिलेसम्म विश्वासको मत लिने बारे संसद् सचिवालयलाई जानकारी नदिएकाले उनले राजीनामाको मनस्थिति बनाएको बुझ्न सकिने एक नेताले बताए ।

मुख्यमन्त्री पाण्डेले बहुमत जुटाउन ३१ प्रदेशसभा सदस्यको समर्थन चाहिन्छ । राप्रपाले साथ नदिएको अवस्थामा उनले त्यति जुटाउन सक्ने छैनन् । त्यसैले आज अन्तिम पटक राप्रपाका प्रदेशसभा सदस्यहरुसँग कुरा गरेर फकाउने प्रयासको तयारी उनको छ । दुई प्रदेश सभा सदस्य भएको राप्रपाले तटस्थ बस्ने रणनीति कायमै राखेमा राजीनामा दिएर ठूलो दलको हैसियतमा फेरि मुख्यमन्त्री हुने बाटोमा जाने सोच उनले लगाएका छन् ।

तर, राजीनामा दिएर नयाँ सरकारको बाटो खोल्दा राप्रपाले साथ दिइहाल्यो भने एमाले–माओवादीको सरकार बन्न सक्ने डर पनि उत्तिकै छ । किनकी एमाले नेताहरुले राप्रपाले आफूलाई सहयोग गर्ने वचन दिएको दाबी गरेका छन् । प्रदेश प्रमुखले नयाँ सरकार गठनका लागि आह्वान गरेपछि राप्रपाको हस्ताक्षरसहित दाबी पेश गर्ने एमाले संसदीय दलका नेता खगराज अधिकारीको दाबी छ ।
गण्डकीमा निर्णायक देखिएको राप्रपाले २७ गतेको आन्दोलन अघि कुनै पनि सरकारलाई समर्थन नदिने अध्यक्ष राजेन्द्र लिङ्देनले नै बताइरहेका छन् ।

यता एमाले र माओवादीका नेताहरुले राप्रपा मात्र होइन, एकीकृत समाजवादी छाडेर पाण्डे सरकारमा मन्त्री बनेका राजीव गुरुङ (दीपक मनाङे) फकाइरहेका छन् । संसद सचिवालयमा स्वतन्त्र हैसियत माग्दै निवेदन दिएका मनाङेलाई एकीकृत समाजवादीले पनि स्पष्टीकरण सोध्ने निर्णय गरेको छ । तर, उनको विषयमा के निर्णय हुन्छ अन्योल कायमै रहेका बेला मनाङेलाई गठबन्धनमै फर्काउन एमाले र माओवादी दुबै पार्टीका नेताहरुले लागेका हुन् । काठमाडौंमा रहेका मनाङेसँग एमालेका शीर्ष नेताहरुले समेत छलफल गरेका छन् ।