काठमाडौं । पाँच दलीय सत्ता गठबन्धनको बैठक आज शनिबार बस्दैछ । शनिबार बिहान ९ बजे गठबन्धनको बैठक बोलाइएको हो ।
हिजो (शुक्रबार) प्रधानमन्त्रीको सरकारी निवास बालुवाटारमा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधव नेपालबीच स्थानीय तहको निर्वाचनको मिति र ऐन संशोधनलगायत विषयमा छलफल भएको थियो ।
माओवादी केन्द्र र एकीकृत समाजवादी पहिले संघको निर्वाचन र त्यसपछि स्थानीय तहको निर्वाचनको पक्षमा छन् ।
संविधान र ऐनमा एकरूपता ल्याउने भन्दै स्थानीय तह निर्वाचन ऐन संशोधन गर्ने गृहकार्यमा गठबन्धन रहेको छ ।
यस विषयमा राष्ट्रपति विद्यादेवी भण्डारीले पनि चासो दिँदै उहाँले प्रधानमन्त्री देउवासँग छलफल पनि गर्नुभएको थियो ।
