काठमाडौँ । कर्णाली प्रदेशका मुख्यमन्त्री राजकुमार शर्माले यही मंगलबार विश्वासको मत लिने भएका छन् । केन्द्रमा सत्ता समीकरण फेरिएसँगै कांग्रेसले विश्वासको मत फिर्ता लिएपछि मुख्यमन्त्री शर्माले विश्वासको मत लिने भएका हुन् ।
मुख्यमन्त्री शर्माले चैत २० गते मंगलबार विश्वासको मत लिने भनेर प्रदेशसभा सचिवालयलाई जानकारी गराइसकेका छन् ।
४० सदस्यीय कर्णाली प्रदेश सभामा बहुमतका लागि कम्तीमा २१ मत आवश्यक पर्दछ । सभामा गठबन्धनमा आवद्ध माओवादीका १३, एमालेका १० र एकीकृत समाजवादीको १ गरी २४ जना छन् । यस्तै, कांग्रेसका १५ र राप्रपाका एक सांसद छन् ।
