काठमाडौं । चितवनको इच्छाकामना गाउँपालिका ५ स्थित मुग्लिन बजार नजिकै नाग्दिखोलाबाट एउटा ट्याक्सी त्रिशूली नदीमा खसेको छ ।
काठमाडौंबाट गोरखा जाँदै गरेको ट्याक्सी त्रिशूलीमा खसेको हो । प्रहरीका अनुसार राजमार्गबाट ट्याक्सी करिब २ सय मिटर तल त्रिशूली नदीमा खसेको छ । ट्याक्सीमा पाँच जना रहेको बताइएको छ । दुर्घटनामा परेकाहरुको स्थानीय र प्रहरीद्वारा उद्दार भइरहेको छ ।
दुर्घटनामा पर्नेहरु सबै गोरखा नगरपालिका ७ को स्थानीय रहेको बताइए पनि सम्पूर्ण विवरण खुलेको छैन ।
तस्बिर : इच्छाकामना न्यूज
