काठमाडौँ । उपप्रधान एवम् गृहमन्त्री रवि लामिछाने राज्य व्यवस्था तथा सुशासन समितिको बैठकमा उपस्थित भएका छन् ।
समितिका सभापति रामहरि खतिवडाले गृहमन्त्री लामिछाने बैठकमा सहभागी भएसँगै छलफल सुरु भएको बताएका छन् । समितिको बैठकमा गृहमन्त्रीसहित गृह सचिव, नेपाल प्रहरीका महानिरीक्षक र प्रहरीको केन्द्रीय अनुसन्धान ब्युरो (सीआईबी) प्रमुखलाई पनि बोलाइएको छ ।
बैठकमा सम्बन्धित मन्त्रालयको काम कारबाही र समसामयिक विषयमा छलफल भइरहेको छ । बैठकमा सदस्यहरूले उठाएको प्रश्नको गृहमन्त्री लामिछानेले जवाफसमेत दिने कार्यक्रम रहेको छ ।
