काठमाडौं । नेकपा माओवादी केन्द्रको सचिवालय बैठक आज बस्दै छ । बैठकले आगामी वैशाख १५ गते इलाम–२ र बझाङ १ (१)को निर्वाचनको उम्मेदवारीबारे निर्णय गर्ने छ ।
सचिवालयले बैठकले दुई क्षेत्रमा गठबन्धनका उम्मेदवारलाई सहयोग गर्ने कि आफ्नै उम्मेदवार उठाउने भन्ने निर्णय गर्ने छ ।
उम्मेदवारीका विषयमा प्रधानमन्त्री पुष्पकमल दाहला र नेकपा एमालेका अध्यक्ष केपी शर्मा ओलीबीच यसअघि छलफल भइसकेको छ । त्यस क्रममा इलाम–२ मा सुवासचन्द्र नेम्वाङका छोरा सुहाङलाई सघाउन माओवादी लचक देखिएको छ ।
एमालेका नेताहरुले इलाम–२ मा माओवादीभन्दा एमाले बलियो भएकाले सुहाङलाई नै समर्थन गर्ने सम्भावना रहेको दाबी गरेका छन् ।
यता सुदूरपश्चिम प्रदेशसभा बझाङ १ (१) मा पनि के गर्ने भन्ने निर्णय माओवादी केन्द्रले आज निर्णय गर्दैछ । यो क्षेत्रमा एकीकृत समाजवादीले आफ्नो उम्मेदवारलाई समर्थन गर्नुपर्ने अडान राखेको छ । आफ्नो उम्मेदवारलाई समर्थन नगरे इलाममा आफ्नो उम्मेदवार उठाउने चेतावनी समाजवादीले दिएको छ ।
