पोखरा । नेकपा एमाले जिल्ला कमिटी कास्कीको ११ औ अधिवेशनको बन्द सत्रमा जिल्ला सदस्य विवेक त्रिपाठीले कार्यकर्ता संरक्षण कोषको स्थापना गरियोस् भन्ने सामाजिक सरोकारको प्रस्ताव पेश गरेका छन् ।
त्रिपाठीले प्रस्ताव पार्टी जिल्ला इन्चार्ज थममाया थापालाई बुझाएका हुन् । उनले कार्यकर्ता संरक्षण गर्न पार्टीले कोष खडा गरेर उनीहरुको योग्दानको कदरदेखि नयाँ कार्यकर्ताहरुको लागि सिकाई हुने बताए ।
कार्यकर्ताको क्षमता वृद्धि गर्ने समस्यामा परेका कार्यकर्तालाई संरक्षण गर्ने कोषमा उल्लेख गरेका छन् । पुराना पार्टी कार्यकर्ताहरु कोही कतै समस्यामा परेको भए यस कोषबाट काम गर्ने सकिने समेत त्रिपाठीले बताए ।
आधार स्तम्भनै कार्यकर्ता भएको भन्दै संगठनले संरक्षण गर्नु दायित्व रहेको उनको भनाइ छ ।
सामाजिक सरोकारको प्रश्तावमा कासिराम भट्टराई र बोधराज गिरीले समर्थक गरेको उक्त प्रस्तावको सम्बोधन गरिने तथा एमाले कास्कीको संगठन निर्माणमा एक नयाँ आयाम बन्ने त्रिपाठीको विश्वास छ ।
