काठमाडौँ । समय र परिस्थिति मिले मानिसहरु परिवारसहित घुम्न निस्कने प्रचलन नेपालमा पनि बढ्दो छ । पहिले पहिले मानिसहरु घुम्न सहरबजार जाने गर्दथे ।
त्यो प्रचलन अहिले भने फेरिएको छ । अहिले मानिसहरु प्रकृतिसँग रमाउन बढी रुचाउँछन् । त्यसैले बनजंगल, खोला, पाखापखेरा, तालतलाउ तथा पहाड चढ्न अहिले मानिसहरु बढी रुचाउँछन् । यस्तो चाख काठमाडौँबासीमा अझ बढी देखिन्छ ।
किनभने अरु दिन मेसिनले जस्तो काममा खटिनुपर्ने काठमाडौँबासी शनिबार भने नेपाल खाल्डोको उकुसमुकुसबाट बाहिर निस्कन चाहन्छ । काठमाडौँबासीको एक रमणीय तथा आकर्षक निकास हो– चन्द्रागिरि ।
शनिबार चन्द्रागिरिमा घाम र कुहिरोको यो लुकामारी र स्वच्छता देख्ने कसलाई पो त्यहाँ पुग्ने मन नहोला र ? प्रस्तुत छ शनिबार कैँद गरिएको चन्द्रागिरिको प्रकृतिको लुकामारी ।
