काठमाडौं । आज देशभरको मौसम बदली भएको छ । कोशी र मधेस प्रदेशका केही ठाउँमा बिहानैदेखि पानी पर्न थालेको छ ।
देशभर नै पश्चिमी न्यून चापीय प्रणाली र स्थानीय वायुको आंशिक प्रभावका रहेको जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ ।
कोशी र मधेश प्रदेशका केही स्थानमा मेघगर्जन/चट्याङसहित छिटपुटदेखि हल्का वर्षा भएको छ । कोशी प्रदेशको उच्च पहाडी तथा हिमाली भू–भागका एक–दुई स्थानमा छिटपुटदेखि हल्का हिमपात भइरहेको महाशाखाले जनाएको छ । ।
आज दिनभर नै कोशी, मधेस, बागमती र गण्डकी प्रदेशसहित देशको पहाडी भू–भागमा सामान्यत: बदली रहने छ । बाँकी भू–भागमा भने मौसम मुख्यतया सफा रहने छ ।
