काठमाडौँ । स्पेनिस फुटबल लिग ला लिगामा बार्सिलोनाले सहज जित निकालेको छ ।
गएराति भएको खेलमा बार्सिलोनाले एट्लेटिको मड्रिडलाई उसकै घरेलु मैदानमा ३–० गोलले पराजित गरेको हो ।
बार्सिलोनालाई जित दिलाउन जोआओ फेलिक्स (३८ औं मिनेटमा), रोबर्ट लेवान्डोस्की (४७ औं मिनेटमा) र फेर्मिन लोपेज (६५ औं मिनेटमा) ले एक–एक गोल गरे ।
जितसँगै बार्सिलोना २९ खेलबाट ६४ अंक जोड्दै तालिकाको दोस्रो स्थानमा उक्लिएको छ । एट्लेटिको ५५ अंकका साथ पाँचौं स्थानमा छ ।
