काठमाडौं । कुबेतमा कारको ठक्करबाट तीन जना नेपालीको मृत्यु भएको छ । कुवेतको महाबुल्ला क्षेत्रको सी–साइड सडकमा मंगलबार भएको सडक दुर्घटनामा परी एकै कम्पनीमा कार्यरत तीन नेपालीको दुर्घटनास्थलमै मृत्यु भएको हो ।
महाबुल्ला क्षेत्रमा विहानै सडक छेउमा रहेका नेपालीलाई हुँकिएर आएको कारले ठक्कर दिँदा तीन जनाको मृत्यु भएको नेपाली दूतावासले जनाएको हो ।
दुर्घटनामा परी ज्यान गुमाउनेहरुमा लयती अछामका सुरतबहादुर कठायत, काठमाडौंका सुजन कार्की र धनुषाका धिरज गुर्मछान मगर छन् । मृतकहरु कुवेतको एउटै कम्पनीमा कार्यरत थिए ।
गाडी चालकलाई प्रहरीले नियन्त्रणमा लिएको छ भने मृतकहरुको शवलाई पोष्टमार्टमका लागि फरवानिया अस्पतालमा राखिएको स्थानीय प्रशासनले जनाएको छ ।
