काठमाडौंः राष्ट्रपति विद्यादेवी भण्डारीसमक्ष नेपालका लागि इस्लामिक गणतन्त्र पाकिस्तानका नवनियुक्त राजदूत सइद हैदर शाहले राष्ट्रपति कार्यालय शितल निवासमा सोमबार आयोजित विशेष समारोहमा आफ्नो ओहोदाको प्रमाणपत्र पेश गर्नु भएको छ ।
उक्त समारोहमा परराष्ट्रमन्त्री प्रदीप कुमार ज्ञवाली सहित नेपाल सरकारका उच्च पदस्थ पदाधिकारीहरुको उपस्थिति थियो ।
यसैगरी, नेपालका लागि अस्ट्रेलियाली राजदूत फेलिसिटी जेन भोल्कले पनि सोमबार नै राष्ट्रपति भण्डारीसमक्ष आफ्नो ओहोदाको प्रमाणपत्र पेश गर्नु भएको राष्ट्रपतिको कार्यालयले जनाएको छ ।
उहाँहरु दुबै जना नेपालका लागि आवाशीय राजदूत हुनुहुन्छ ।
