एजेन्सी । बलिउड अभिनेत्री काजोललाई कोरोना संक्रमण पुष्टि भएको छ । उनले सामाजिक सञ्जालमा पोस्ट गर्दै यसबारे जानकारी गराएकी हुन् । उनले कोरोना रिपोर्ट पोजेटिभ आएको बताएकी छन् । साथै, छोरी न्यासाको तस्बिर शेयर गर्दै उनलाई निकै ‘मिस’ गरेको पनि बताएकी छन् ।
छोरीको तस्बिर शेयर गर्दै उनले लेखेकी छन्, ‘मेरो कोरोना रिपोर्ट पोजेटिभ आएको छ । म आफ्नो रातो भइसकेको नाकलाई कसैलाई देखाउन चाहन्न, त्यसैले म दुनियाँलाई सबैभन्दा हँसिलो मुस्कान शेयर गर्न उचित ठानेँ । मिस यु न्यासा देवगन ।’
काजोलको यस पोस्टलाई अर्की अभिनेत्री प्रियंका चोपडाले कमेन्ट गरेर न्यासाको तारिफ गरेकी छन् । उनले लेखेकी छन्, ‘उनी स्टनिंग छिन् ।’ कैयौं फ्यानहरुले काजोलको स्वास्थ्यलाभको कामना गरेका छन् ।
न्यासा अहिले अध्ययनका लागि सिंगापुरमा छिन् । अजय देवगन र काजोलका दुई सन्तान छन्, न्यासा र युग ।
