एजेन्सी । ‘झनक’ फेम अभिनेत्री डली सोहीको निधन भएको छ । आफ्नी बहिनी अमनदीपको निधन भएको केही घण्टामै अभिनेत्रीले पनि यस संसारलाई बिदा गरिन् । ४८ वर्षको उमेरमा डली पाठेघरको मुखको क्यान्सरसँग लड्दै थिइन् ।
डोलीकी बहिनी अमनदीप सोहीको गएराति निधन भएको हो । जण्डिसका कारण अमनदीपको मृत्यु भएको थियो । डलीको क्यान्सरका कारण निधन भएको हो । डलीका भाइ मनु सोहीले उनको मृत्युको पुष्टि गरेका छन् ।
ईटाइम्सको रिपोर्ट अनुसार डलीको परिवारले भने( आज बिहानै डलीको मृत्यु भएको छ । छोरीको मृत्युले हामी सबै स्तब्ध भएका छौं । अभिनेत्रीका भाइ मनुले बहिनी अमनदीप सोहीको निधन भएको पुष्टि गरेका थिए । त्यसको केही समयपछि अर्की बहिनी डली सोहीको पनि मृत्युको खबर आयो ।
दिवंगत अभिनेत्रीका भाइ मनु सोहीले भने– यो सत्य हो कि अमनदीप अब रहेनन् । उनलाई जन्डिस भएको थियो, तर हामी डाक्टरहरूबाट थप जानकारी लिन सक्ने अवस्थामा छैनौं । अमनदीपको बारेमा कुरा गर्दा मनुले डलीको स्वास्थ्यको बारेमा पनि बताएका थिए ।
उनले डलीको अवस्था गम्भीर नभए पनि अस्पतालमै आराम गर्न भनिएको बताए । तर, आज बिहान डलीको पनि निधन भयो । डलीलाई गत वर्ष २०२३ मा पाठेघरको मुखको क्यान्सर भएको पत्ता लागेको थियो । डलीले ‘भाभी’, ‘कलश’, ‘मेरी आशिकी तुम से ही’, ‘झाँसी की रानी’ जस्ता शोमा काम गरेकी थिइन् ।
