काठमाडौं । अध्यागमन कार्यालयले भिजिट भिसामा यूएई जान लागेको अवस्थामा तीन महिलालाई त्रिभुवन अन्तर्राष्ट्रिय विमानस्थलबाट फिर्ता गरेको छ ।
बिहीबार राति साढे १० बजे हिमालय एयरलाइन्सबाट दूबई जान लागेका उनीहरुलाई सोधपुछको क्रममा शंकास्पद देखिएपछि फर्काईएको विमानस्थल सुरक्षा कार्यालयका प्रमुख एसएसपी कृष्णहरि शर्माले जानकारी दिए ।
शंकास्पद रुपमा यूएई पठाउन लागेको खुलेपछि प्रहरीले एजेन्ट भबिलाल थापालाई पनि नियन्त्रणमा लिएको छ । थापालाई थप अनुसन्धानका लागि उपत्यका अपराध अनुसन्धान कार्यालय लगिएको छ ।
