काठमाडौं । नेपाली कांग्रेस संसदीय दलले प्रधानमन्त्री पुष्पकमल दाहाल प्रचण्डले राजनैतिक बेइमानी गरेको ठहर गरेको छ ।
आज सिंहदरबारमा बसेको बैठकले प्रधानमन्त्री प्रचण्डले राजनीतिक बेइमानी गरेकाले समर्थन फिर्ता लिने मुख्य सचेतक रमेश लेखकले बताए ।
मुख्य सचेतक लेखकले कांग्रेस संविधानको रक्षा र व्यवस्थालाई सुदृढ गर्न गठबन्धन गरेपनि प्रचण्डले विश्वास घात गरेको बताए । उनले भने, ‘प्रचण्डले विश्वास घात गरेर गठबन्धन तोडे । हामीले यसलाई राजनीतिक बेइमानीका रूपमा लिएका छौँ । उहाँले अविश्वसनीय ढंगले गठबन्धन भत्काउनु भयो । गठबन्धन भत्काएर मुलुकलाई अनिश्चितता तर्फ लग्नुभयो ।’
