काठमाडौं । नेपाली सुनचाँदी बजारमा सुनको मूल्यले लगातार तेस्रो दिन नयाँ रेकर्ड बनाएको छ ।
बिहिबार सुनको मूल्य प्रतितोला १५ सय रुपैँयाले बढेर नयाँ रेकर्ड बनाएको नेपाल सुनचाँदी व्यवसायी महासङ्घले जनाएको छ ।
आज छापावाल सुन प्रतितोला एक लाख २५ हजार रुपैँयामा कारोबार भईरहेको छ । जुन हालसम्म कै उच्च हो । बुधबार नयाँ रेकर्ड बनाउदै छापावाल सुन प्रतितोला एक लाख २३ हजार पाँच सय रुपैँयामा कारोबार भएको थियो ।
यस्तै आज तेजाबी सुन प्रतितोला एक लाख २४ हजार ४ सय रुपैँयामा कारोबार भईरहेको छ । हिजो उक्त सुन प्रतितोला एक लाख २२ हजार ९ सय रुपैँयामा कारोबार भएको थियो ।
त्यसैगरीआज चाँदीको मूल्य भने घटेको छ । आज चाँदी प्रतितोला पाँच रुपैँयाले घटेर प्रतितोला एक हजार चार सय ७० रुपैँयामा कारोबार भईरहेको महासङ्घले जनाएको छ ।
