काठमाडौं । सत्ताबाट बाहिरिएको नेपाली कांग्रेसको केन्द्रीय कार्यसम्पादन समितिको बैठक आज बस्दै छ । सभापति शेरबहादुर देउवाले आज अपराह्न ३ बजेका लागि देउवा निवास बुढानिलकण्ठमा बैठक बोलाएका हुन् ।
नेपाली कांग्रेस संघमा विपक्षी खेमामा पुगेको छ । एक वर्षअघि प्रधानमन्त्री पुष्पकमल दाहालसँग सहकार्य गरेर सत्तामा पुगेको कांग्रेस एकाएक विपक्षीमा पुगेपछि नयाँ रणनीति बनाउन आज बैठक बोलाइएको हो ।
बैठकमा सत्ताबाट बाहिरिनु पर्नाको कारणबारेसमेत छलफल हुने छ । यसैगरी अब संसद्मा प्रतिपक्षीको भूमिका कसरी निर्वाह गर्ने भन्ने छलफल हुने नेताहरुले बताएका छन् ।
