काठमडौं । प्रचण्ड-नेपाल समुहमा रहेका पूर्वमन्त्रीका दम्पती फेरि केपी शर्मा ओली समूहमा फर्किएका छन् । नेकपाका नेता तथा पूर्व कानुनमन्त्री शेरबहादुर तामाङ र प्रदेश १ की सांसद उषाकला राई प्रचण्ड-नेपाल समुहमा सही व्यवस्थापन हुन नसक्दा ओली समुहमा फर्केका हुन् ।
उषाकलाले प्रचण्ड-माधव समूहबाट दुवैजना केपी समूहमा फर्किको बताइन् । ‘हो, हामी फर्कियौं,’ उनले भन्नि,’प्रचण्ड-नेपाल समूहमा सही व्यवस्थापन हुने नदेखिएपछि फर्किएका हौं ।’
तामाङ चुनावमा सिन्धुपाल्चोक-२ बाट निर्वाचित तामाङ नेकपाको केन्द्रीय सदस्य हुन् । पत्नी उषाकला राई प्रदेशसभा सदस्य हुन् । उनलाई ओली समूहले यसअघि केन्द्रीय सदस्य बनाएको छ ।
नेकपा दुई समूहमा विभाजित भएपछि सुरुमा पूर्वमन्त्रीका दम्पती ओली समूहका बैठकमा सहभागी भए पनि केही दिनमै प्रचण्ड(माधव समूहमा फर्किएका थिए ।
