काठमाडौं । सेन्चुरी बैंकमा कार्यरत रहँदा कर्जा प्रवाहमा अनियमितता गरेको आरोपमा प्रहरीको केन्द्रीय अनुसन्धान ब्युरो (सिआइबी) ले बैंकका दुई जना तत्कालीन प्रमुख कार्यकारी अधिकृत (सीइओ) हरूसहित १० जनालाई पक्राउ गरेको छ ।
सिआइबीले सेन्चुरीका तत्कालीन सिइओहरू मनोज न्यौपाने र तुलसीराम गौतमसहित सुवासबहादुर श्रेष्ठ, अनुपमा श्रेष्ठ प्रधान, सुनील बस्नेत, सविन घिमिरे, दिलीप बराल, दिपेश प्रधान, राजेश भण्डारी र रमण श्रेष्ठ लाई मंगलबार बिहान पक्राउ गरेका छ ।
नेपाल राष्ट्र बैंकले आग्रह गरेपछि सिआइबीले विभिन्न स्थानबाट उनीहरुलाई पक्राउ गरेको हो। सेन्चुरी बैंक हालै मात्र प्रभुमा मर्ज भएको थियो। न्यौपाने र गौतम हाल प्रभु बैंकका डेपुटी सीईओ हुन्।
देउराली सहकारीका अध्यक्ष रवीन्द्र चौलागाईले तत्कालीन सेन्चुरी बैंकबाट गरेको कारोबारका बिषयमा ब्युरोले अनुसन्धान गरिरहेको थियो ।सोही अनुसन्धानका क्रममा उनिहरु जोडिएका हुन् । सेञ्चुरीको कर्जा हिनामिना सम्बन्धमा सीआईबी र राष्ट्र बैंकले अध्ययन गरिरहेका छन् ।
