काठमाडौं । वरिष्ठ गायक तथा सङ्गीतकार भक्तराज आचार्यको पार्थिव शरीरलाई अन्तिम श्रद्धाञ्जलीका लागि आज संगीत तथा नाट्य प्रज्ञा प्रतिष्ठानमा राखिने भएको छ ।
आचार्यको पार्थिव शरीरलाई अहिले बिहान ९ बजेदेखि परिसरमा राखिने छ । त्यही क्रममा संगीतकर्मीहरूले आचार्यको सम्मानमा उनको गीत गाउने तयारी गरिएको छ ।
स्वर्गीय आचार्यको आजै दिउँसो १ बजे हिन्दु संस्कारअनुसार पशुपति आर्यघाट अन्तिम संस्कारका गरिने छ ।
आचार्यको निधनप्रति सङ्गीतकर्मी, सर्वसाधारण तथा राजनीतिक दलका नेतालगायतले श्रद्धाञ्जली व्यक्त गरिरहेका छन् । आचार्यको ८१ वर्षको उमेरमा हिजो निधन भएको थियो ।
