प्रसिद्ध धार्मिक ग्रन्थ श्री स्वस्थानी व्रत कथामा वर्णित साँखुस्थित शालीनदीमा यतिखेर एक महिने मेला लागेको छ । यहाँ ठूलो संख्यामा भक्तजनहरु दिनहुँ पुग्ने, शालीनदीमा पूजापाठ गर्ने तथा श्री स्वस्थानी माता, गोमा र माता चन्द्रवतीका कुटीहरुमा दर्शन एवं पूजापाठ गर्ने गर्दछन् । खासगरी शनिबार र सोमबारका दिन यहाँ ठूलो भिड हुने गर्दछ ।
अर्कोकुरा मेलामा पूजा सामग्रीहरुका साथै स्थानीय खाद्यान्न, मिठाई, फलफूल, लत्ताकपडा राखेर शालीनदी आसपास झकिझकाउ पारिएको छ । एक महिने स्वस्थानी व्रतकथा गत माघ ३ गते आरम्भ भएको हो । यो कथा समाप्ती आगामी फागुन ४ गते समाप्त हुनेछ । कोरोना भाइरस महामारीका कारण स्वास्थ्य मापदण्ड अपनाउन प्रहरीले माइकिड गरिरहेको यस स्थानका मन्दिर र अन्य पूजा स्थलमा भने प्रवेश रोकिएको छैन ।
तस्वीरहरूः न्यूजपाेलार डट कम
