काठमाडौं । बानेश्वरस्थित संसद् भवन परिसरमा लघुवित्तपीडित प्रवेश गरेर नाराबारी गरेपछि सरकारले सुरक्षा व्यवस्था कडा पारेको छ ।
लघुवित्तपीडित हिजो संसद् भवन परिसरमा प्रवेश गरेर नाराबाजी गरेका थिए । सरकारले आज सिंहदरबार वरिपरी हिँड्न कडाइ गरेको छ । एउटा साइडबाट मात्र सर्वसाधारणलाई हिँड्न दिइएको छ । सिंहदरबार आसपास ठूलो संख्यामा सुरक्षाकर्मी परिचालन गरिएको छ ।
कडा सुरक्षा घेराभित्र रहेको संसद् भवनमा लघुवित्तपीडित प्रवेश गरेर नाराबाजी गरेपछि सरकारले सिंहदरबारमा पनि सुरक्षा व्यवस्था कडा पारेको हो ।
