काठमाडौं । नेपाल फुटबल संघ (एन्फा)ले आर्थिक वर्ष २०८०/०८१ को बजेट तथा कार्यक्रमहरू अनुमोदन गरेको छ ।
सोमबार बसेको एन्फाको साधारण सभाले २०८०/०८१ को बजेट तथा कार्यक्रमहरू अनुमोदन गरेको हो ।
साधारण सभाबाट ०७९/०८० को बजेट अडिटलाई अनुमोदन गरेको पनि एन्फाका प्रवक्ता सुरेश साहले जानकारी दिए ।
साधारण सभाले लेखा परीक्षण तथा अनुपालन समितिको कार्यकाल थप गर्ने निर्णय पनि गरेको उनले बताए ।
प्रवक्ता शाहका अनुसार आर्थिक वर्ष २०८०/०८१ को अनुमानित बजेट ६७ करोड ६७ लाख ६६ हजार ६० रहेको छ ।
