काठमाडौं । संघीय संसद्को प्रतिनिधिसभा बैठक आज बस्दै छ ।
संघीय संसद भवन नयाँ बानेश्वरमा बिहान ११ बजे बस्ने बैठकमा उपप्रधान तथा गृहमन्त्री नारायणकाजी श्रेष्ठले ‘राजनीतिक दलसबन्धी ९दोस्रो संशोधन० बिधेयक २०८०’ लाई प्रस्तुत गर्ने संघीय संसद् सचिवालयले जनाएको छ ।
यसअघि शुक्रबार बसेको बैठकमा विपक्षी नेकपा एमाले र राप्रपाले संसद अवरोध गरेका थिए । तीन जना मन्त्रीको राजीनामा माग गर्दै विपक्षी दलहरुले बैठक अबरुद्ध गरेका थिए । तर पछि प्रधानमन्त्रीले संसद्मा उठेका विषयको जवाफ दिने भएपछि बैठक नियमित भएको थियो । आज पनि विपक्षी दलहरुले सरकारको आलोचना गर्ने र तीन जना विवादित मन्त्रीको राजीनामा माग्ने तयारी गरेका छन् ।
बालकुमारी घटनामा दोषी देखिएका भौतिक पूर्वाधार तथा यातायात मन्त्री प्रकाश ज्वाला, टेरामक्स खरिद प्रक्रियामा अनियमितताको आशंकामा अख्तियारको अनुसन्धान दायरामा तानिएका स्वास्थ्य मन्त्री मोहनबहादुर बस्नेत र गौतमबुद्धको अस्थिधातु रहेको स्थान निजी कम्पनीलाई ठेक्का दिएकोसम्बन्धी विवादमा मुछिएका संस्कृति, पर्यटन तथा नागरिक उड्डयन मन्त्री सुदन किरातीले राजीनामा दिनुपर्ने माग विपक्षी दलहरुको छ ।
