काठमाडौँ । सरकारले आजदेखि ७५ जिल्लामा राष्ट्रिय दादुरा—रुबेला खोप अभियान सञ्चालन गर्दैछ । खोप अभियान चैत्त ७ गतेसम्म सञ्चालन हुनेछ ।
रुकुमपश्चिम र जाँजरकोटमा भने खोप अभियान सकिसकेको छ । सरकारले सन् २०२६ मा यो रोग निवारण गर्ने लक्ष राखेको छ ।
दादुरा—रुबेला खोप अभियानमा लक्षित समूह ९ महिनादेखि ५ वर्षमुनिका बालबालिका र ९ महिनादेखि १५ वर्षमुनिका बालबालिका रहेका छन् ।
यस अभियानमा तराईका २१ जिल्ला र काठमाडौं उपत्यकाका ३ जिल्लाहरुमा ९ महिनादेखि १५ वर्षमुनिका बालबालिकालाई लगाइनेछ ।
बाँकी जिल्लामा ९ महिनादेखि ५ वर्षमुनिका बालबालिकाहरुलाई लगाइनेछ । खोप नियमति खोपकेन्द्र सञ्चालन हुने स्थान, विगतका खोप अभियानमा सञ्चालन गरिएका खोपकेन्द्र एवं स्वास्थ्य संस्थाबाट प्रदान गरिनेछ ।
