काठमाडौं । पश्चिम एशिया फुटबल एसोसिएसन (वाफ) च्याम्पियनसिपमा आज समूह चरणको दोस्रो खेलमा नेपाली महिला टोलीले इराकको सामना गर्दै छ ।
साउदी अरेबियाको किंग अब्दुल्लाह स्पोर्ट्स सिटी रिजर्व स्टेडियममा हुनलागेको खेल नेपाली समयअनुसार बेलुकाको ७:४५ बजे सुरु हुनेछ ।
नेपालले पहिलो खेलमा सिरिया माथि ४-१ को सानदार जित हात पारेको थियो । इराक भने प्यालेस्टाइनविरुद्ध ३-० ले पराजित भएको थियो ।
नेपाल रहेको समूहमा प्यालेस्टाइन, सिरिया र इराक छन् । नेपाल र प्यालेस्टाइन दुवैको समान ३-३ अंक रहेको छ ।
नेपाली टोली:
गोलकिपर: एन्जिला तुम्बापो सुब्बा (कप्तान), उषा नाथ, अञ्जना राना मगर
डिफेन्डर: गीता राना, अमृता जैशी, हिरा कुमारी भुजेल, बिमला विक, निशा ठोकर, समिक्षा घिमिरे, पुजा राना, सबिना चौधरी
मिडफिल्डर: अनिता बस्नेत, अमिषा कार्की, अनिता केसी, प्रिती राई, दिपा शाही, बिमला चौधरी, सरस्वती हमाल
फरवार्ड: चन्द्रा भण्डारी, सावित्रा भण्डारी, रेखा पौडेल, रश्मि कुमारी घिसिङ्ग, सबिता राना मगर
