एजेन्सी । विश्वमा यस्ता कैयौं आइल्यान्डहरु रहेका छन्, जुन विभिन्न कारणले प्रसिद्ध रहेका छन्, जहाँ धेरै संख्यामा मानिसहरु घुम्न जाने गर्दछन् ।
तर यस्ता आइल्यान्ड पनि रहेका छन् जसमा जानका लागि कसैलाई पनि अनुमति रहेको छैन । एक यस्तै आइल्यान्ड आइसल्यान्डमा रहेको छ, जसको निर्माण सन् १९६३ मा भएको थियो ।
आइसल्यान्डको दक्षिणी तटबाट करीब ३० किलोमिटरको दुरीमा अवस्थित यस सानो आइल्यान्डको नाम सर्टसी द्वीप रहेको छ । यो विश्वकै सबैभन्दा कान्छो द्वीपहरुमध्ये एक हो । यसको उमेर ५९ वर्ष रहेको छ । सर्टसी आइल्यान्डको निर्माण पानीको भित्र ज्वालामुखी विस्फोटबाट भएको थियो । पग्लिएको लाभा जम्मा भएर एक उम्लियो र १४ नोभेम्बर १९६३ मा आधिकारीक रुपमा यो आइल्यान्डको निर्माण भएको हो ।
नर्वेको पौराणिक कथा अनुसार यस आइल्यान्डको नाम आगोको देवता सर्टरको नामबाट राखिएको हो । जब यो आइल्यान्ड बन्यो तब फ्रान्सका ३ पत्रकारहरुको टोली यसमा कदम राख्न हिम्मत गरेका थिए तर केही समयमा नै उनीहरु त्यहाँबाट गायब भए ।
उनीहरु गएपछि त्यस आइल्यान्डमा भयानक विस्फोट भएको थियो । यस आइल्यान्डमा विभिन्न प्रकारका पन्छी तथा जनावरहरु रहेका छन् तर यहाँ मानिसलाई जाने अनुमति रहेको छैन ।
यहाँ सीमित संख्यामा वैज्ञानिकलाई मात्र जाने अनुमति रहेको छ, त्यो पनि राम्रोसँग जाँच गरेर मात्र । यस आइल्यान्डको प्रयोग वैज्ञानिक अनुसन्धानका लागि गर्ने गर्दछन् ।
