काठमाडौं । राष्ट्रिय प्रजातन्त्र पार्टी (राप्रपा)ले आज प्रधानमन्त्रीलाई मागपत्र बुझाउने भएको छ । राष्ट्रियता, विकास, सुशासन र सेवाप्रवाह लगायत जनजीविकासँग सम्बन्धित विभिन्न विषयमा राप्रपाले प्रधानमन्त्रीलाई मागपत्र बुझाउन लागेको हो ।
राजसंस्था र हिन्दूराज्यको पुनस्र्थापना, देश संरचना खारेजी, बलियो केन्द्र र अधिकारप्राप्त स्थानीय तह रहेको दुई तहको सरकार, भ्रष्टाचार नियन्त्रण, सुशासनको प्रत्याभूतिलगायतका माग राखेर राप्रपाले आज ४० बुँदे माग राख्दै प्रधानमन्त्रीसमक्ष मागपत्र बुझाउँदै छ ।
आज अपराह्न दबाबमूलक र्यालीसहित ज्ञापनपत्र बुझाईने राप्रपाका प्रवक्ता मोहन श्रेष्ठले जानकारी दिनुभयो ।
भृकुटीमण्डपबाट दिउँसो १२ बजे सुरु हुने र्याली भद्रकाली, वीर अस्पताल, रत्नपार्क हुँदै पुन: भृकुटीमण्डपलमा पुगेर सभामा परिणत हुने र अपराह्न साढे १ बजे राप्रपाका अध्यक्ष राजेन्द्र लिङ्देन नेतृत्वको टोलीले सिंहदरबारमा पुगेर प्रधानमन्त्रीलाई ज्ञापनपत्र बुझाइने कार्यक्रम छ ।
