काठमाडौं । बलिउड अभिनेत्री आलिया भट्टले चलचित्र ‘आरआरआर’बाट साउथमा डेब्यु गर्दैछिन् । फिल्ममा केमियो भूमिकामा काम गरेको आलिया यसबाट थप चर्चामा छिन् भने उनी फिल्मको प्रमोसनमा तातिएकी छन् ।
‘आरआरआर’मा काम गरेसँगै आलिया अब अन्य तेलुगू चलचित्रमा पनि काम गर्ने तयारीमा छिन् । भारतीय सञ्चारमाध्यमका अनुसार आलियाले नयाँ तेलुगू चलचित्र साइन गरेकी छन् । चलचित्रमा नायकको रुपमा तेलुगू स्टार जुयिनर एनटीआरको मुख्य भूमिका रहनेछ । एनटीआर चलचित्र ‘आरआरआर’मा पनि मुख्य भूमिकामा छन् ।
नाम फाइनल भइ नसकेको सो चलचित्रलाई कोराटाला शिवाले निर्देशन गर्दैछन् । शिवाले जुनियर एनटीआरसँग सन् २०१६ मा ‘जनता ग्यारेज’ नामक हिट चलचित्र दिएका थिए ।
