एजेन्सी । भारतका कप्तान रोहित शर्माले यशस्वी जैसवाल, सरफराज खान र ध्रुव जुरेलको फरक ढंगले प्रशंसा गरेका छन् । सोमबार रोहितले आफ्नो इन्स्टाग्राम स्टोरीमा तीन युवा स्टारको फोटो पोस्ट गरे । तस्बिरमा ‘यी आजभोलिका बच्चा’ क्याप्सन लेखिएको छ ।
पाँच खेलको टेष्ट सिरिजको तेस्रो खेलमा भारतले इंग्ल्याण्डलाई कीर्तिमानी ४३४ रनले पराजित गर्यो । भारतको जितमा यशस्वी, सरफराज र जुरेलले महत्वपूर्ण योगदान दिए । यो सरफराज र जुरेलको अन्तर्राष्ट्रिय डेब्यु खेल थियो ।
यशस्वी जैसवालले तेस्रो टेस्टको दोस्रो इनिङ्समा २१४ रनको अविजित इनिङ खेले । यस इनिङ्समा उनले १२ छक्का प्रहार गरे जुन कुनै पनि भारतीयले एक इनिङ्समा बनाएको सबैभन्दा धेरै हो ।
यस शृङ्खलामा यशस्वीको यो दोस्रो दोहोरो शतक हो । उनले सिरिजको पहिलो खेलमा दोहोरो शतक पनि बनाएका थिए । यशस्वीले अहिलेसम्म ७ टेस्ट मात्र खेलेका छन् । उनले गत वर्ष मात्र टेस्ट डेब्यु गरेका थिए ।
२६ वर्षीय दाहिने हात ब्याट्सम्यान सरफराज खानको यो पहिलो अन्तर्राष्ट्रिय खेल थियो । सरफराजले डेब्यु खेलका दुवै इनिङ्समा अर्धशतक बनाएका थिए । पहिलो इनिङ्समा उनले ६६ बलमा ६२ रनको इनिङ खेले । रविन्द्र जडेजासँगको विवादका कारण सरफराज रनआउट भएका थिए । सरफराज दोस्रो इनिङ्समा ६८ रन बनाएर अविजित फर्किए ।
२३ वर्षीय विकेटकिपर ब्याट्सम्यान ध्रुव जुरेलले राजकोटमा टेस्ट डेब्यू गरेका थिए । जुरेल टेस्टमा डेब्यु गर्ने ३१२ औं खेलाडी थिए । यो खेलमा जुरेलले पनि ४६ रनको इनिङ खेले । उनले विकेटकिपिङमा महत्वपूर्ण योगदान दिए ।
