काठमाडौं । नेकपा (एमाले) को सातौं केन्द्रीय कमिटीको बैठक आज सुरु हुँदैछ । पार्टी मुख्यालय च्यासलमा बिहान ११ बजे बैठक सुरु हुने छ ।
केन्द्रीय कमिटीको बैठकमा ६ वटा कार्यसूची तय गरिएको छ । बैठकमा पार्टी अध्यक्ष केपी शर्मा ओलीले मुलुकको समसामयिक राजनीतिक परिस्थितिबारे सम्बोधन गर्नुहुनेछ । साथै बैठकमा समग्र पार्टीको साङ्गठनिक कामको समीक्षा तथा पार्टीको शुद्धिकरण र सुदृढीकरण कार्यक्रमको अवधारणाबारे छलफल हुनेछ ।
यसैगरी, कार्यसूचीमा पार्टी निर्माणमा देखिएका समस्या र समाधानका उपाय, जनपरिचालन र जनदबाबको ‘एजेन्डा’हरु तथा समसामयिक प्रस्ताव राखिएको छ । बैठक १० गतेसम्म चल्ने छ ।
