काठमाडौं । नेपाली कांग्रेसले आगामी चुनावमा एक्लै लड्ने संकल्पसहितको प्रस्ताव महासमिति बैठकमा पेश गर्ने भएको छ ।
महामन्त्री गगन थापाको सांगठनिक प्रतिवेदनमा कांग्रेसले एक्लै चुनाव लड्ने उल्लेख थियो । तर त्यसमा सभापति शेरबहादुर देउवाले असहमति जनाएपछि महासमिति बैठक नै उद्घाटन गरेपछि रोकिएको थियो ।
त्यसपछि सभापति देउवाको निवासमा बसेका पदाधिकारी तथा पूर्वपदाधिकारीहरुको बैठकमा राति अबेरसम्म भएको छलफलपछि थापाको प्रस्तावमा देउवा सहमत भएका हुन् । अब आज यो प्रस्ताव महासमिति बैठकमा पेश हुने छ ।
आज विहान ९ बजे सुरु हुने बन्दसत्रमा उपसभापति पूर्णबहादुर खड्काको नीति, महामन्त्री थापाको सांगठनिक, अर्का महामन्त्री विश्वप्रकाश शर्माको समसामयिक राजनीतिक र प्रवक्ता डा. प्रकाशशरण महतको आर्थिक प्रतिवेदन पेश गर्ने कार्यसूची छ ।
