काठमाडौँ । महानगरीय अपराध महाशाखाले यही माघ १४ गते रेड लेवललगायतका विदेशी ब्राण्डका मदिराहरू राजस्व छलीसम्बन्धी कसूरको अनुसन्धानका सिलसिलामा पक्राउ परेका सन्तोष चन्द्र बख्रेलबाट राजस्व छली ल्याएका सुर्तीजन्य पदार्थ तथा विभिन्न कस्मेटिकका सामानहरु समेत बरामद गरेको छ ।
निज बख्रेलले भन्सार छली ल्याएको सुर्तीजन्य पदार्थ तथा सोको खाली प्याकेटहरू, विभिन्न कस्मेटिकका सामानहरू (सैम्पु, साबुन, हेयर ओइल, बडी मसाज ओइल, क्रिम) तथा विदेशी ब्राण्डका विभिन्न चुरोटहरू नयाँबजार खुशिबु स्थित घर भाडामा लिई ठूलो परिमाणमा भण्डारण गरी राखेको अवस्थामा करिब रु ५० लाख बराबरको सामान बरामद गरेको महाशाखाले जनाएको छ ।
महाशाखाले सोमबार थप अनुसन्धानका लागि राजश्व अनुसन्धान विभाग, हरिहरभवन ललितपुर पठाइएको र सो सम्बन्धमा थप अनुसन्धान जारी रहेको पनि बताएको छ ।
