काठमाडौं । साताको दोस्रो दिन सोमबार शेयरबजार दोहोरो अंकले बढेको छ । सोमबार नेप्से परिसूचक ४०.६४ अंकले बढेर २५१५.०३ मा पुग्दा नेप्से १.६४ प्रतिशतले बढेको हो ।
यस्तै ठूला कम्पनीको शेयर कारोवार मापन गर्ने सेन्सेटिभ परिसूचक ६.४७ अंकले बढेर ४५३.७५ मा पुगेको छ । कूल २०९ वटा कम्पनीको एक करोड १८ लाख ३८ हजार ४ सय ८८ कित्ता सेयर खरिदबिक्री हुँदा ५ अर्ब ६९ करोड २३ लाख १६ हजार ८ सय ३१ रुपैयाँको कारोबार भएको छ ।
त्यसैगरी, कर्पोरेट डेभलपमेन्ट बैंक लिमिटेड, चन्द्रागिरी हिल्स लिमिटेड, बरूण हाइड्रोपावर कम्पनी लिमिटेड,आशा लघुवित्त वित्तीय संस्था लिमिटेड, गुहेश्वरी मर्चेन्ट बैंकिङ्ग लिमिटेड, हिमालयन पावर पार्टनर लिमिटेड, लाइफ इन्स्योरेन्स कर्पोरेशन लिमिटेड, साधना लघुवित्त वित्तीय संस्था लिमिटेड, लिबर्टी इनर्जी कम्पनी लिमिटेड र युनाइटेड इन्स्योरेन्स कम्पनी लिमिटेडका शेयरधनीहरूले सबैभन्दा धेरै आम्दानी गरेका छन् ।
