काठमाडौँ । एएफसी एसियन कपको फाइनल आज शनिबार हुँदैछ । उपाधिका लागि आयोजक कतार र जोर्डन भिड्दैछन् ।
नेपाली समयानुसार राति पौने नौ बजे लुसैल रंगशालामा फाइनल खेल सुरु हुनेछ । साविक विजेता समेत रहेको कतार घरेलु समर्थककाबीच उपाधि रक्षा गर्न चाहन्छ । यता, जोर्डन भने आयोजक कतारलाई स्तब्ध पार्दै पहिलोपटक एसिया कपको उपाधि उचाल्न चाहन्छ ।
जारी एसिया कपमा कतारको फाइनल यात्रा यस्तो रह्यो
– समूह ए मा शीर्षस्थानमा रहँदै नकआउट चरणमा प्रवेश
– अन्तिम १६ मा प्यालेस्टाइनलाई २–१ गोलले हराउँदै क्वाटरफाइनलमा प्रवेश
– क्वाटरफाइनलमा उज्वेकिस्तानलाई पेनाल्टीमा ३–२ ले हराउँदै सेमिफाइनलमा
– सेमिफाइनलमा इरानलाई ३–२ गोलले हराउँदै फाइनलमा
जारी एसिया कपमा जोर्डनको फाइनल यात्रा यस्तो रह्यो
– समूह इ मा तेस्रो स्थानमा रहेको जोर्डनले अन्तिम १६ मा इराकलाई ३–२ गोलले हराउँदै क्वाटरफाइनलमा प्रवेश
– क्वाटरफाइनलमा ताजिकिस्तानलाई १–० गोलले हराउँदै सेमिफाइनलमा प्रवेश
– सेमिफाइनलमा दक्षिण कोरियालाई २–० गोलले हराउँदै फाइनलमा प्रवेश
