• १० श्रावण २०८१, बिहीबार
  •      Thu Jul 25 2024
  •   Unicode
Logo

अहिलेको सरकार जस्तो नालायक र गतिहीन इतिहासमा कुनै थिएन: गोकुल बास्कोटा



काठमाडौं । नेकपा एमालेका सांसद गोकुल बास्कोटाले अहिलेको सरकारजस्तो नालायक र गतिहीन अरु कुनै नभएको टिप्पणी गरेका छन् ।

बुधबार प्रतिनिधिसभाको शून्य समयमा बोल्दै उनले यो भन्दा जवाफदेहीविहीन सरकार इतिहासमा कहिल्यै नभएको बताए ।

कान र आखाँ नभएको सरकार भन्दै उनले भने, ‘यो भन्दा नालायक, गतिहीन, जवाफदेहिताविहीन इतिहासमा कहिल्यै थिएन। जसको न कान छ न आँखा छ। कहिले सुन्छ सरकारले ?  सुन्या छ कि छैन ? सुन्या भए जवाफ चाहियो।’

उनले धुलिखेल पाँचखाल सडक कहिले बन्ने भन्दै पश्न समेत गरे । उनले भने, ‘प्रधानमन्त्री प्रचण्ड पाँचखाल जानुभयो र आफ्नो ड्राइभरलाई सोध्नुभयो यो बाटो यस्तो होला भन्ने मैले सोचेको थिएन। धन्न हाम्रो देशको प्रधानमन्त्री। अर्थमन्त्री नगरकोट भएर मेरो नगरमा जानुभयो, भौतिक मन्त्री यही हुनुहुन्छ। उहाँलाई चार पटक भने आज बाटो बन्दैन किने ?’