एजेन्सी । भारतीय लोकप्रिय टिभी शो ‘तारक मेहता का उल्टा चश्मा’ मा अर्को उपलब्धि थपिएको छ । शोले आफ्नो ४०० एपिसोड पूरा गरिसकेको छ ।
शोको यो उपलब्धिले दर्शकमा यो शोको क्रेज कति छ भन्ने प्रमाण हो । सन् २००८ मा प्रशारण सुरु भएको सो शोले त्यसबेलादेखि निरन्तर दर्शकलाई मनोरञ्जन दिइरहेको छ । शो प्रति दर्शकको मायामा कुनै कमी आएको छैन ।
यो शो सुरुदेखि नै दर्शकमाझ निकै लोकप्रिय छ । यसमा दर्शकलाई भारतको सांस्कृतिक विविधता र परम्पराको पनि परिचय गराइन्छ । चाडपर्व जुनसुकै होस्, त्यसको रङ्ग यस कार्यक्रममा पनि देख्न सकिन्छ ।
यस शोको गोकुलधाम सोसाइटीसँग दर्शकहरु पनि निकै जोडिएका छन् । यही कारणले शोले सफलताको नयाँ आयाम छोएको छ । ४००० एपिसोडहरू पूरा गर्नु कार्यक्रमको लागि कोशेढुङ्गा मात्र होइन, यो दर्शकहरूको विश्वासको प्रमाण पनि हो ।
यस शोको सबैभन्दा ठूलो विशेषता यसमा विभिन्न संस्कृतिहरू देखाउनु हो । यो शो कस्तो सुन्दर समाज हुनुपर्छ भन्ने उदाहरण बनेको छ । वृद्धवृद्धा, युवा, बालबालिका, महिला सबै दर्शकको मनपर्ने यो शो हो । यो शो परिवार केन्द्रित छ । सामाजिक सञ्जालको यो युगमा दर्शकलाई परिवार नामक संस्थाको महत्व बुझाउन यस प्रकारको शोले महत्वपूर्ण भूमिका खेलिरहेको छ ।
‘तारक मेहता का उल्टा चश्मा’ ले आफ्नो सकारात्मक कथा कथनबाट दर्शकलाई निरन्तर मनोरञ्जन दिइरहेको छ । मनोरञ्जनका अलावा यी शोले समय समयमा हास्यव्यंग्यका साथसाथै सशक्त सामाजिक सन्देश पनि दिइरहेका छन् । यस शोका निर्माता असित कुमार मोदीले शोको सफलतामा भने, ‘चार हजार एपिसोड पूरा गर्नु ठूलो अनुभव हो । कार्यक्रमको यो सफलता सामूहिक उपलब्धि हो । हाम्रो टोली दर्शकहरु प्रति आभारी छ ।
