काठमाडौँ । श्रीमती र छोराको हत्या आरोपमा एक जना प्रहरी जवान पक्राउ परेका छन् । श्रीमती र साढे २ वर्षको छोराको हत्या जिल्ला प्रहरी कार्यालय दाङमा कार्यरत ३२ वर्षीय प्रहरी जवान पिमलाल नेपाली पक्राउ परेका छन् ।
२२ वर्षीया श्रीमती टीका विक र साढे २ वर्षका छोरा सुशान्त नेपालीको हत्या अभियोगमा उनलाई पक्राउ गरिएको जिल्ला प्रहरी कार्यालय दाङका डिएसपी जनकबहादुर मल्लले जानकारी दिए ।
शनिवार राति कार्यालयबाट बिदा मागेर नेपाली घोराहीको सहिद गेटस्थित सुपरलज होटलमा श्रीमती र छोरासहित बसेका थिए । उनले आइतबार बिहान ७ बजेतिर आपसी विवाद भएपछि सलले घाँटी कसेर श्रीमती र छोराको हत्या गरेको प्रारम्भिक अनुसन्धानबाट खुलेको छ ।
श्रीमती र छोराको हत्यापछि उनी आफैं प्रहरी कार्यालयमा पुगेका डिएसपी मल्लले जानकारी दिए ।
घटनामा थप अनुसन्धान भइरहेको प्रहरीले जनाएको छ ।
