एन्फिल्डः प्रिमियर लिगको डिफेन्डिङ च्याम्पियन लिभरपुल आफ्नै गृह मैदान एन्फिल्डमा फेरि पराजित भएको छ । आइतबार भएको खेलमा लिग लिडर लिभरपुललाई फुलह्यामले १–० ले पराजित गरेको हो ।
तुलनात्मक रुपमा फितलो खेल प्रदर्शन गरेको लिभरपुलमाथि फुलह्यामले पहिलो हाफको ४५औं मिनेटमा गोल गरेको थियो । फुलह्यामका लागि मारिओ लामिनाले गोल गरेका थिए ।
त्यसपछि दोस्रो हाफमा लिभरपुलले केही आक्रामक प्रयास गरेको भए पनि गोल गर्न सकेन ।
यस सिजनमा एन्फिल्डमा लिभरपुल लगातार छ खेलमा पराजित भइसकेको छ । लिभरपुलले अर्को खेल मार्च १५ मा उल्भ्स विरुद्ध खेल्नेछ ।
एन्फिल्डमा लिभरपुल चेल्सी (१–०), एभर्टन (२–०), म्यान्चेस्टर सिटी (४–१), ब्राइटन (१–०), बर्नली (१–०) सँग पराजित भएको छ ।
चालु सत्रमा २८ खेलबाट ४३ अंकसँगै लिभरपुल सातौं स्थानमा छ । – AFP
