• १३ फाल्गुन २०८०, आईतवार
  •      Sun Feb 25 2024
  •   Unicode
Logo
Latest
★   ज्यान मार्ने उद्योगमा फरार विश्वकर्मा पक्राउ ★   श्रीलङ्काद्वारा रुसी र युक्रेनीलाई दीर्घलानीन भिसा खारेज ★   गजेन्द्र हमालले दिए कांग्रेस महासमिति सदस्यबाट राजीनामा ★   ‘राजनीतिक दलसम्बन्धि दोस्रो संशोधन विधेयक, २०८०’ प्रतिनिधि सभामा पेश ★   पर्यटकहरुले २५ हजार बढी भारतीय रकम बोकेर नेपाल छिर्न नदिने कानून संशोधन होस्: सांसद शर्मा ★   पार्टीहरुलाई शान्ति र लोकतन्त्रको धारमा रुपान्तरण गर्नु काँग्रेसको दायित्व हो: नेता सिटौला ★   नेदरल्यान्ड्सको १०० रन पूरा ★   माओवादीका सांसद सापकोटाको बोलीमा लगाम लगाउन राप्रपा प्रवक्ता श्रेष्ठको सुझाव ★   बक्यौता नतिरेपछि राजस्थान रोयल्सको खेल मैदान ‘सिल’ ★   भैँसी फार्मबाट मनग्य आम्दानी गर्दै सुरेन्द्र

फ्रोजन माछा बेच्दै वरिष्ठ हाँस्य कलाकार सुरेन्द्र केसी ‘मुलासाग’



ललितपुर । आफ्नो जीवनको आधाभन्दा बढी उमेर नेपाली चलचित्र, टेलिचलचित्र र स्टेज कार्यक्रममा बिताईसकेका वरिष्ठ हाँस्यकलाकार सुरेन्द्र केसी ‘मुलासाग’ले यसै हप्तादेखि नयाँ व्यवसाय शुरु गरेका छन्—चितवन माडीको पोखरीको माछालाई फ्रोजनको रुपमा काठमाण्डौ उपत्यकामा ल्याएर बेच्ने काम ।

यसको लागि उनी लगायत अरु तीनजना साझेदार मिलेर सो नयाँ व्यवसाय शुरु गरेका हुन् । चितवन माडीका चर्चित व्यवसायी बसन्त ढकालको अध्यक्षतामा ललितपुरका ‘मुलासाग’, ललितपुरकै रेनु शाक्य र रामेछापका युवा रुपेश वर्देवा मिलेर फ्रोजन माछाको व्यवसाय शुरु गरेका हुन् ।

यसको लागि ललितपुर महानगरपालिका वडा नं ४ वागडोलस्थित चक्रपथ बाहिर एउटा शोरुम तथा विक्री केन्द्र स्थापना गरिएको छ ।

‘अर्बन फिस एण्ड मिट सेन्टर प्रालि’को नामबाट व्यवसायीक फर्म दर्ता गरि माडी चितवनमा २६ विगाहा क्षेत्रफलमा बनाइएको पोखरीमा पालन गरिएको माछालाई सफा र प्रशोधनको साथै निश्चित तापक्रममा ब्लास्ट गरि माडीको तापक्रममै रहने गरि फ्रोजन गरेर विशेष भ्यानबाट बागडोलस्थित शोरुममा विक्रीको लागि ल्याइने गरिएको छ । यो फ्रोजन माछा एकचोटी खाएका माछा पारखीहरुले पटक पटक किनेर लैजाने वरिष्ठ हाँस्य कलाकार सुरेन्द्र केसी ‘मुलासाग’ले दावी गरे ।

काठमाण्डौ उपत्यकाका माछा खाने पारखीहरुलाई लक्षित गरि माडीका पोखरीमा पालन गरिएको माछा निश्चित तापक्रममा फ्रोजन गरेर ल्याई सोही तापक्रम कायम राखेर विक्री वितरण गर्ने गरिएको सो फर्मका अध्यक्ष बसन्त ढकालले बताए ।

माडीको बरुवामा रहेको २६ विगाहा क्षेत्रफलको जमीनमा बनाइएको माछापोखरीमा पालन गरिएको ताजा माछा काठमाण्डौको माग बमोजिम अहिले दैनिक दुई हजार किलोसम्म विक्री गर्ने लक्ष्य राखिएको र पछि यसलाई दोब्बर रुपमा विस्तार गर्न सकिने अध्यक्ष ढकालले बताए ।