एजेन्सी । बलिउड अभिनेता बबी देओलले आज ५५ औं जन्मदिन मनाउँदैछन् । गत वर्ष बबीले आफ्नो करियरकै सबैभन्दा ठूलो सफलता हात पारेका थिए । फिल्म ‘एनिमल’ मार्फत उनले आफ्नो २८ वर्षको करियरमा पहिलो ब्लकबस्टर फिल्म पाए ।
यस फिल्ममा बबीले सानो नकारात्मक भूमिका खेलेका थिए तर त्यसका बाबजुद पनि उनले त्यति लोकप्रियता पाएका थिए जुन अहिलेसम्म पाएका छैनन् ।
फिल्म उद्योगले अहिले बबीलाई पूर्ण हृदयले अँगालेको छ । बबीसँग बलिउड, साउथ फिल्म इन्डस्ट्री र ओटीटीका धेरै ठूला प्रोजेक्टहरू छन् ।
एनिमल २ः फिल्म एनिमलमा बबीको क्यारेक्टर अबरार मारिएको थियो । तर यो क्यारेक्टर यति लोकप्रिय भयो कि अब निर्माता फिल्म ‘एनिमल २’ को दोस्रो पार्टमा बबीको रोल फिट गर्ने प्रयासमा छन् । ‘एनिमल २’ मा बबीको क्यारेक्टर अझ शक्तिशाली बन्ने अनुमान गरिएको छ ।
कंगुवाः बबीले यस मार्फत तमिलमा डेब्यु गर्नेछन् । फिल्ममा साउथ स्टार सूर्या मुख्य भूमिकामा छन् भने बबी खलनायकको भूमिकामा देखिनेछन् । बबीले यस रोलको बारेमा एक अन्तर्वार्तामा भनेका थिए कि फिल्ममा उनको कहिल्यै नदेखेको अवतार हुनेछ । कंगुवा यस वर्षको अन्त्यमा रिलिज हुन सक्छ ।
NBK109: यो एक तेलुगु फिल्म हो जसमा बबी खलनायकको भूमिकामा देखिनेछन् । यो साउथका दिग्गज अभिनेता नन्दमुरी बालकृष्णको १०९ औं फिल्म हो । चलचित्रको छायांकन गत वर्ष नोभेम्बरमा सुरु भएको थियो ।
आश्रम सीजन ४ः एनिमल भन्दा पहिले, बबी देओलको करियरले आश्रम वेब सिरिजबाट नयाँ जीवन पायो । यस सिरिजका अहिलेसम्म तीन सिजन भइसकेका छन् र अब चौथो सिजन पनि २०२४ मा रिलिज हुँदैछ । सिरिजमा बाबा निरालाको भूमिकामा बबीको निकै प्रशंसा भएको थियो ।
स्टारडमः शाहरुखका छोरा आर्यनले निर्देशनमा डेब्यु गर्दैछन् । उनले स्टारडम नामको वेबसिरिज बनाइरहेका छन् जसमा बबी पनि देखिनेछन् ।
