काठमाडौं। नेकपा माओवादी केन्द्रले प्रधानमन्त्री केपी शर्मा ओली नेतृत्वको सरकारलाई दिएको समर्थन कायम नै राख्ने निर्णय गरेको छ ।
बुधबार पार्टी केन्द्रीय कार्यालय पेरिसडाँडामा बसेको स्थायी समिति बैठकले नयाँ गठबन्धनको पक्का नहुदासम्म वर्तमान ओली नेतृत्वको सरकारलाई दिएको समर्थन फिर्ता नलिने निर्णय गरेको हो ।
बैठकपछि उपाध्यक्ष नारायणकाजी श्रेष्ठले नयाँ सरकार गठनका लागि बिभिन्न पक्षसँग छलफल भै रहेका कारण ओली नेतृत्वका वर्तमान सरकारलाई दिएको समर्थन फिर्ता नलिने जानकारी गराउनुभयो ।
नैतिकताको आधारमा प्रधानमन्त्रीले राजिनामा दिन उपयुक्त हुने भन्दै श्रेष्ठले नयाँ गठबन्धनको सरकार बन्ने अबस्था पनि रहेको बताउनुभयो ।
