हेटौंडा । राष्ट्रियसभा सदस्य निर्वाचनमा बागमती प्रदेशमा ६ मत खस्न बाँकी रहेको छ ।
निर्वाचनमा दुई जनाप्रदेश सांसद र चार जना स्थानीय तह बाँकि रहेको निर्वाचन अधिकृतको कार्यालयले जनाएको छ । निर्वाचनमा ११० प्रदेश सांसदहरुमध्ये १०८ जना र २३७ स्थानीय तहमध्ये २३३ जनाले मतदान गरिसकेका छन् ।
कार्यव्यस्तताका कारण काठमाडौं महानगरपालिकाका मेयर बालेन्द्र शाह मतदानमा सहभागि नहुने उनका स्वकीय सचिव भूपदेव शाहले बताएका छन् । यस्तै, नुवाकोटको किस्पाङ गाउँपालिकाका अध्यक्ष वीरबल तामाङ, काभ्रे चौरी देउराली गाउँपालिका उपाध्यक्ष शेरबहादुर तामाङ पनि मतदानको लागि नआउने बुझिएको छ ।
राष्ट्रियसभा चुनावमा बागमती प्रदेशबाट सत्ता गठबन्धन, नेकपा (एमाले), राप्रपा र नेपाल मजदुर किसान पार्टीको तर्फबाट १५ उम्मेदवार प्रतिस्पर्धामा रहेका छन् ।
