एजेन्सी । भारतीय मूलका विवेक रामास्वामीले अमेरिकी राष्ट्रपति चुनावको उम्मेदवारी रद्द गरेका छन् । उनले अब चुनाव लड्ने छैनन् । न्युयोर्क टाइम्सका अनुसार रामास्वामी आफैले मंगलबार यो जानकारी दिएका हुन् ।
मंगलबार बिहान (नेपाली समय) उनी अमेरिकी राज्य आयोवामा रिपब्लिकन पार्टीबाट उम्मेदवारीको लागि चुनाव हारे । यसमा डोनाल्ड ट्रम्पले भारी बहुमतका साथ जित हासिल गरेका छन् । सीएनएनका अनुसार विवेक यस दौडमा चौथो स्थानमा रहे ।
राष्ट्रपतिको उम्मेदवार बन्ने दौडबाट बाहिरिएपछि विवेक रामास्वामीले मलाई राष्ट्रपति बन्ने बाटो नरहेको भन्दै प्रचारप्रसार बन्द गरेको बताएका छन् । न्यूयोर्क टाइम्सका अनुसार विवेक रामास्वामीले भोलि अमेरिकाको न्यू ह्याम्पशायरमा ट्रम्पसँग र्याली गर्नेछन् ।
ट्रम्पले रामास्वामीलाई फ्रड भनेका थिए
अयोयाको चुनावमा फ्लोरिडाका गभर्नर रोन डे-सेन्टिस दोस्रो र भारतीय मूलकी निक्की हेली तेस्रो स्थानमा रहेकी छिन् । यसअघि अयोयामा मतदान सुरु भएको आधा घण्टाभित्रै मिडिया रिपोर्टमा ट्रम्पको जित घोषणा गरिएको थियो ।
अयोया राज्यमा उम्मेदवारीका लागि चुनावी अभियानका क्रममा ट्रम्पले विवेक रामास्वामीलाई कडा निशाना बनाएका थिए । ट्रम्पले विवेक रामास्वामीलाई सिधै फ्रड र ठग भनेका थिए । एक बयानमा डोनाल्ड ट्रम्पले आफ्ना समर्थकहरूलाई रामास्वामीलाई समर्थन नगर्न चेतावनी पनि दिएका थिए । ट्रम्पले विवेकलाई भोट गर्नु भनेको विपक्षी दललाई भोट दिनु जस्तै हुने बताएका थिए ।
३८ वर्षीय विवेक रामास्वामीको जन्म ओहायोमा भएको थियो । उनका आमाबाबु भारतबाट आएका थिए । विवेकले हार्वर्ड विश्वविद्यालयमा अध्ययन गरेका थिए । येलमा पढ्दै गर्दा अपूर्वसँग उनको भेट भयो । दुवैले सन् २०१५ मा विवाह गरेका थिए । २०१४ मा उनले आफ्नै बायोटेक कम्पनी रोइभान्ट साइन्सेस स्थापना गरे, जसले ती औषधिहरूको लागि ठूला कम्पनीहरूबाट प्याटेन्टहरू किने । रामास्वामीले २०२१ मा सीईओ पदबाट राजीनामा दिएका थिए ।
