एजेन्सी । रियल मड्रिडले स्पेनिस सुपर कपको उपाधि जितेको छ । सोमबार बिहान सम्पन्न फाइनल खेलमा चीर प्रतिद्वन्द्वी बार्सिलोनालाई एल क्लासिकोमा ४-१ गोलले हराउँदै रियलले उपाधि जितेको हो ।
साउदीको अल अवाल स्टेडियममा भएको फाइनलमा रियललाई सहज जित दिलाउन भिनिसियस जुनियरले ह्याट्रिक गरे । उनले खेलको ७, १० औं र ३९ औं (पेनाल्टी)मा गोल गर्दै ह्याट्रिक पूरा गरे ।
एक गोल ६४ औं मिनेटमा रोड्रीले थपे । यता ३३ औं मिनेटमा बार्सिलोनाका रोबर्ट लेवान्डोस्कीले एक गोल फर्काए । खेलको ७१ औं मिनेटमा रोनाल्ड अराओले रातो कार्ड खाएपछि बार्सिलोना १० खेलाडीमा समेटिएको थियो ।
रियलको यो १३ औं उपाधि हो । बार्सिलोनाले सर्वाधिक (१४ पटक) स्पेन सुपर कपको उपाधि जितेको छ ।
