काठमाडौं । आज दिउँसो १ बजे संसद बैठक बस्दै छ । आजको बैठकमा पनि शोक प्रस्ताव पारित गर्ने कार्यसूची रहेको छ ।
संसद सचिवालयले प्रकाशित गरेको सम्भावित कार्यसूचीमा पूर्वराज्यमन्त्री तथा २०७० सालको संविधानसभा सदस्यमा निर्वाचित दिनेश चन्द्र यादवको निधनमा शोक प्रस्ताव पारित गर्ने उल्लेख छ ।
यादवको २०७७ माघ १ गते निधन भएको थियो ।
प्रधानमन्त्री ओलीले विघटन गरेको संसद सर्वाेच्च अदालतले पुनस्र्थापना गराइदिएपछि यअसघि पनि दुई पटक सम्म बैठक बसेको थियो तर एजेण्डमा प्रवेश गरेन । पहिलो दिनको बैठक विवादका कारण स्थगित भएको थियो भने दोस्रो दिन शोक प्रस्ताव पारित गरेर सकिएको थियो ।
आजको कार्यसूचीमा पनि शोक प्रस्ताव मात्र राखिएको छ । सरकारले संवैधानिक परिषदसम्बन्धी अध्यादेश बैठकमा प्रवेश गर्ने भएपछि विपक्षी काँग्रेसले बैठक अवरुद्ध गरेको छ ।
यसरी एकातर्फ बैठक बस्न सकेको छैन भने अर्कातर्फ प्रमुख विपक्षी दल नेपाली काँग्रेसले संसद बैठकलाई सरकारले नै एजेण्डा दिन नसकेको बताएको छ ।
