विश्व स्वास्थ्य सङ्गठन (डब्लुएचओ) ले अत्यधिक सङ्क्रामक ओमिक्रोन कोरोना भाइरस स्ट्रेनको भर्खरै पत्ता लागेको सबवेरिएन्ट अहिले ५७ मुलुकमा पत्ता लागेको बताएको छ ।
यसको साप्ताहिक एपिडेमियोलोजिकल अपडेटमा संयुक्त राष्ट्रसङ्घको स्वास्थ्य एजेन्सी डब्लुएचओले मङ्गलबार केही देशमा सब–भेरिएन्टे सबै ओमिक्रोन केसहरूको आधाभन्दा बढीका लागि जिम्मेवार रहेको बताएको छ।
डब्लुएचओले सब–भेरिएन्टहरु बीचको भिन्नताका बारेमा अझै थोरै थाहा भएको बताएको छ । यद्यपि बीए.२ जसलाई ‘स्टिल्थ भेरियन्ट’ पनि भनिन्छ, मूल उपवंशभन्दा बढी सङ्क्रामक भएको अध्ययनले बताएको छ ।
महामारी विशेषज्ञ तथा कोरोना भाइरस महामारीमा डब्लुएचओको प्राविधिक प्रमुख मारिया भान केरखोभले प्रारम्भिक तथ्याङ्कले ओमिक्रोन संस्करणको पहिलो संस्करण बीए.१ को तुलनामा बीए.२ मा वृद्धिदरमा थोरै वृद्धि भएको सङ्केत गरेको बताइन्।
उनले बीए.२ सब–भेरिएन्ट गम्भीरतामा परिवर्तन भएको कुनै सङ्केत नभएको बताइन् ।
अत्यधिक सङ्क्रामक ओमिक्रोन सामान्यतया डेल्टाजस्ता अघिल्लो संस्करणभन्दा कम गम्भीर रोगका लागि चिनिन्छ ।
डब्लुएचओले गत महिना सङ्कलन गरिएका कोरोना भाइरसका ९३ प्रतिशतभन्दा बढीका लागि जिम्मेबार मानिएको ओमिक्रोनका धेरै उप–वंशहरू बीए.१, बीए.१.१, बीए.२ र बीए.३ रहेको बताएको छ ।
बीए.१ र बीए.१.१ को रूपमा पहिचान गरिएका पहिलो संस्करणहरू अझै पनि GISAID मा पेश गरिएका सबै ओमिक्रोन मामिलाका ९६ प्रतिशतभन्दा बढीका लागि जिम्मेवार छन् ।
तर डब्लुएचओले युरोप र एसियाका केही भागमा बीए.१ भन्दा बीए.२ छिटो फैलिन थालेको बताएको छ। एजेन्सी
