काठमाडौं । तनहुँको भिमादमा जिप दुर्घटना हुँदा दुई जनाको मृत्यु भएको छ ।
आज बिहान पोखराबाट पाल्पा जाँदै गरेको जिप तनहुँको भिमादमा दुर्घटना हुँदा दुई जनाको घटनास्थलमा मृत्यु भएको प्रहरीले जनाएको छ ।
बसलाई साइड दिने क्रममा जिप सडकबाट करिब डेढ सय मिटर तल खसेको प्रहरीले जनाएको छ । जिपमा १०–१२ जना यात्रु सवार रहेका बताईएको छ ।
चालकलाई प्रहरीले नियन्त्रणमा लिएको छ । दुर्घटनाको थप विवरण आउन बाकी छ ।
