काठमाडौँ । नेपाललाई ट्वान्टी–२० विश्वकप क्रिकेट प्रतियोगिताको तयारीको लागि भारतले सहयोग गर्ने भएको छ ।
नेपाल भ्रमणमा रहनु भएका भारतका विदेशमन्त्री एस। जयशंकरले नेपाली टोलीलाई विश्वकपमा छनोट भएकोमा बधाई दिँदै विश्वकप तयारीका लागि सहयोग गर्ने प्रतिबद्धता जनाउनु भएको छ ।
जयशंकरले ट्विट गर्दै नेपालमा क्रिकेटको विकासको लागि पनि सहयोग गर्ने उल्लेख गर्नुभएको छ ।
नेपाल भ्रमणका क्रममा रहेका जयशंकरले बिहीबार साँझ नेपाल क्रिकेट संघका अध्यक्ष चतुरबहादुर चन्द, सचिव पारस खड्कासहितका पदाधिकारी र खेलाडीहरूलाई भेट गर्नुभएको थियो ।
नेपाली क्रिकेट टोलीका सदस्यहरू र @CricketNep सँग अन्तरक्रिया गर्न पाउँदा खुशी लाग्यो।
टी-२० विश्वकपमा छनोट भएकोमा वहाँहरुलाई हार्दिक बधाई दिदै वहाँहरुको विश्वकप तयारीका लागि भारतको सहयोग रहने विश्वास दिलाएँ । नेपालमा क्रिकेटको विकास लागि भारतको सदैव साथ रहने प्रतिवद्धता जनाएँ । https://t.co/ZsdLl2VP5m
— Dr. S. Jaishankar (@DrSJaishankar) January 4, 2024
